life-partner
life-partner

أسرار اختيار شريك الحياة

كيف تختاري شريك الحياة

كتبه : إلهام حمودة

خديه ملتزم!!!… الحمد لله هو بيصلي وبيصوم وبيحفظ قرآن كمان… جميييييل…ربنا يثبته..

بس الإلتزام مش صلاة وصوم بس… لو إتأخر عليكي في مواعيده يبقى مش ملتزم… لو تعدى حدوده في الكلام والأفعال أثناء الخطوبة يبقى مش ملتزم… لو وعدك بحاجات ومحتاجات وما عملهاش يبقى مش ملتزم… لو بيعامل أبوه أو أمه بشوية طناش ولا مبالاة يبقى مش ملتزم… لو بيروح شغله متأخر أو بيزوغ منه علشان يجيلك أو يعملك طلباتك يبقى مش ملتزم… لو كلامه مش كله حقيقة وبيزود وينقص ويحور ويألف يبقى مش ملتزم…

لو بيتعالى على الناس وبيقرف من الغلابة ومابيطقش يكلم اللي أقل منه يبقى مش ملتزم… لو معندوش طموح وناوي يطور من نفسه و عاجبه حاله كده ومافيش أدنى نية للتغيير للأفضل يبقى مش ملتزم…

لو ليه قرايب بقاله سنيييين مادخلش ببتهم ولا يعرفهم ولا ناوي يبقى مش ملتزم… لو بيقولك لما نتجوز مش ح نعرف حد وح نقفل علينا الباب ولا عايزك تعرفي أهلك ولا أنا أعرف أهلي يبقى مش ملتزم… لو غاوي منظرة وبيقولك أنا عايز كل الناس يشوفوكي ويحسدوني عليكي ويتغاظوا وكده يبقى مش ملتزم… لو بيبص على اللي في إيد غيره ودائم الشكوى إنه مالوش حظ ويابخت فلان وعلان يبقى مش ملتزم… لو حاسس بنفسه أوي وواخد في نفسه قلم ومتأكد إنه ماحصلش وإنه أمور وكويس جدااا إنه اتنازل وفكر يرتبط وكده يبقى مش ملتزم… لو كلامه مش محترم ومليان ألفاظ جارحة وعبارات مالهاش أي لازمة يبقى مش ملتزم… لو بيضيع وقته في حاجات تافهة ومع ناس بتنزل منه مش بترفعه يبقى مش ملتزم… لو مش فاهم أولوياته وملخبط الدنيا على بعض يبقى مش ملتزم…. هااااااا….ياترى ملتزم بقى؟؟؟؟؟ #الإلتزام_حياة

Comments

comments

شاهد أيضاً

Emotional_Intelligence_Horizental-768x326

ما هو الذكاء العاطفي؟

يعتقد الكثير من الناس أن التفكير الجيد لا يستقيم إلاّ بغياب العاطفة وذلك لعدم وضوح …